N1 mótið á Akureyri 2025

Kæru tjaldgestir 

Komandi viku 30. Júní -05. Júlí má búast við auknum fjölda gesta á tjaldsvæðinu í tengslum við knattspyrnumót sem haldin eru í bænum þessa daga. Mikið af gestum sem heimsækja okkur þessa daga eru hópar sem eru að fylgja fótboltaliðum á þessum mótum og hafa óskað eftir því að fá að halda hópinn á svæðinu. Við munum því merkja hluta svæðisins með nöfnum þessara liða til að auðvelda þeim að finna hvert annað. Þessar merkingar eru ekki hugsaðar þannig að viðkomandi svæði sé frátekið fyrir ákveðinn hóp heldur aðeins til að hjálpa hópunum að staðsetja sig saman. Öll merking eða frátaka á svæði fyrir gesti sem ekki eru komnir á svæðið er óheimil.  

Aðgangur að rafmagni hafa eingöngu þeir sem greitt hafa fyrir hann hjá tjaldverði. Setja skal límmiða með kvittun greiðslu á snúruna þar sem henni er stungið í samband við okkar tengla. Þeir sem ekki setja límmiðana á snúrnar sínar eiga á hættu að tekið verði úr sambandi og aðgangur seldur öðrum. 

Óheimilt er að tengja margar einingar saman með fjöltengjum. Eingöngu má nota rafbúnað ætlaðan til utandyranotkunar. Ekki er ætlast til að notuð séu orkufrek tæki, oflestun orsakar útsláfitt. Teglana á tjaldsvæðinu má alls ekki nota til hleðslu á rafmagnsbílum. 

Kort með nöfnum hópa sem hafa hafs samband og vilja vera saman á svæðinu verður sett hér inn þegar nær dregur

Aðstaðan

Í boði á báðum tjaldsvæðum:
Salerni
Sturtur
Rafmagn
Þvottavél og þurrkari
Upplýsingar
Leiktæki

Einungis í boði á Hömrum:

Skiptiaðstaða
Bátaleiga
Netaðgangur
Svefnloft
Eldunaraðstaða
Gönguleiðir