Aðstaða
Opnunartími
Tjaldsvæðið er opið allt árið. Hefðbundinn opnunartími tjaldsvæðisins að Hömrum með fullri þjónustu er frá byrjun maí til loka október. Utan þess tíma er haft samband við tjaldvörð til að fá aðgang að t.d. að eldhúsi, sturtum, þvottavél o.fl. Frekari upplýsingar í síma 461-2264 og 863-0725
Vetrarþjónusta
Þótt tjaldsvæðið sé opið allt árið er vetrarþjónusta að Hömrum er miðuð við mjög takmarkaða viðveru tjaldvarða á tímabilinu 15. október til 15. maí. Á þessum tíma er þó öll almenn þjónusta í boði s.s. aðgangur að salernum, sturtum, eldhúsi og rafmagni. Hafa ber samband við tjaldvörð fyrir eða við komu að Hömrum. Upplýsingar um símanúmer má finna hér á síðunni undir hafa samband og á upplýsingatöflum á Hömrum. Vegna veðurs og snjó getur verið erfið færð á svæðið og snjómokstur að svæðinu er ekki í forgangi en mokað er eins fljótt og auðið er. Á þessum árstíma eru tjaldflatir oft blautar eða fullar að snjó þannig að gert er ráð fyrir að húsbílar og ferðavagnar séu staðsettir á bílastæðum.
Tjaldsvæðið
Tjaldsvæðinu er skipt uppí 16 tjaldflatir með gróðurbeltum á milli. Flatirnar hafa allar nöfn en oftast er notast við númer þeirra. Svæðið skiptist stórt séð í þrjú minni svæði svipuð af stærð. Tjaldflatir 1 til 6 ásamt hlöðunni aðkomunni og þjónustuhúsinu Hömrum 2 mynda eitt svæði. Miðsvæðis á því er þjónustuhús með salernum og sturtum. Það hús nefnist Bóndi.
Annað svæði er með tjaldflatir 7 til 11 og þar er þjónustuhús miðsvæðis með salernum og sturtum. Þar er einnig salerni og sturtu með aðgengi fyrir fatlaða. Þetta hús nefnist Kerling. Þriðja svæðinu tilheyra tjaldflatir 12 til 16 og þjónustuhúsið Krummi þjónar þeim. Þar eru eins og í hinum húsunum góð hreinlætisaðstaða með salernum og sturtum samt salerni og sturtu með aðgengi fyrir fatlaða.
Smellið hér til að sjá Kort af svæðinu.
Snyrtingar
Á Hömrum er mjög góð snyrtiaðstaða staðsett á vítt og breytt um svæðið. Samtals eru þetta 36 vatnssalerni í upphituðum húsum með heitu og köldu vatni. Eitt snyrtingahús er ekki upphitað og aðeins með köldu vatni. Sturtuaðstaða er í þremur af þessum húsum og í þjónustuhúsinu að Hömrum 2. Samtals 15 sturtur. Salerni og sturta með aðgengi fatlaðra er í tveimur af þjónustuhúsunum . Vaskaaðstaða er úti við öll salerni og þar eru kranar til að fylla á vatnsbrúsa. Við þrjú stóru þjónustuhúsin er aðstaða til að tæma ferðasalerni og vaskavatn (spillivatn) frá húsbílum og ferðavögnum.
Sturtur
Í þremur stóru salernishúsunum er heitt vatn og fjórar sturtur í hverju húsi. Aðgangur að sturtunum er innfalinn í gistigjaldinu.
Snyrtingar með aðgengi fatlaðra
Á svæðinu eru tvö salerni og tvær sturtur með aðgengi fyrir fatlaða.
Þvottavél og þurrkari
Á tjaldsvæðunum er aðgangur að þvottavél og þurrkara gegn gjaldi. Notaðar eru 50 og 100 kr. myntir í vélarnar. Hægt er að skipta í mynt og kaupa þvottaefni hjá tjaldverði.
Símar
Upplýsingasími tjaldstæða að Hömrum 461 2260 eða 8630725
Upplýsingar
Tjaldverðir veita allar upplýsingar um tjaldsvæðið. Þeir eru oftast á svæðinu á milli kl 7 og 24 og lengur á álagstímum. Tjaldverðir veita einnig upplýsingar um ýmislegt er getur varðað dvöl tjaldgesta á Akureyri og nágreni. Í þjónustuhúsinu er aðgengi að ýmsum ferða- og þjónustubæklingum. Ekki er víst að á öllum tímum sé hægt að hitta á þá í þjónustuhúsin, því þeir sinna einnig ýmsum verkefnum á svæðinu s.s. þrifum og þess háttar. Sími tjaldvarða á vakt er 863-0725
Rafmagn
Á Hömrum er möguleiki að tengjast rafmagni á öllum tjaldflötum og eru samtals um 200 tenglar á svæðinu. Aðgang að rafmagni hafa eingöngu þeir sem að greitt hafa fyrir hann hjá tjaldverði. Hver tengill er einungis ætlaður fyrir eina tjaldeiningu og fjöltengi eru bönnuð. Eingöngu má nota rafbúnað ætlaðan til utandyranotkunar. Notkun skal vera í lágmarki, oflestun orsakar útslátt. Nota þarf sérstakar þriggja pinna klær á tengisnúrur eða sérstök millistykki. Hægt er að kaupa millistykkin hjá tjaldverði.